नेपाल-भारत बोर्डर पुनः बन्द गर्न सक्ने सरकारको सँकेत

न्यूज ब्यूरो, जनकपुरधाम । नेपाल सरकारको गृहमन्त्रालयलाई उदृत गर्दै स्वास्थ्य तथा जनसँख्या मन्त्रालयले नेपाल भारतको बोर्डर पुनः बन्द गर्न सकिने सँकेत गरेको छ ।

कोरोनाको सँक्रमण पुनः बढन थालेपछि नेपाल भारतको खुल्ला सीमानाका घटाउन सक्ने बताइएको छ । अहिले खुल्ला रहेको विभिन्न नाकालाई कटौती गरी केही नाकाहरु बन्द गर्न सकिने जनाएको छ ।

स्वास्थ्य तथा जनसँख्या मन्त्रालयले विहिबार जारी गरेको विज्ञप्तिमा मित्र राष्ट्र भारत तथा बेलायत, जर्मनी, फ्रान्स लगायतका देशमा कोरोनाको सँक्रमण तीव्र रुपमा फैलिँदै गएको भन्दै यसको असर नेपालमा समेत पर्न सक्ने बताएको छ ।

विहिबार कोभिड सँकट व्यवस्थापन केन्द्र (सिसिएमसी) ले तराईका जिल्लाका नेपाल र भारतबीच सीमा नाकाबाट नेपाल प्रवेश गर्ने क्षेत्रमा निगरानी बढाउने र केन्द्रबाट अनुगमन गर्ने समेत निर्णय गरेको हो ।

त्रिभुवन अन्तर्राष्ट्रिय विमानस्थलमा आन्तरिक र अन्तराष्ट्रिय आगमन तथा प्रस्थान कक्षमा निगरानी बढाई स्वास्थ्य परीक्षणमा थप सक्रियता वढाउने निर्णय पनि गरिएको छ ।

कोभिड–१९ को सङ्कमण वढ्ने सम्भावना भएकाले स्वास्थ्य तथा जनसङ्ख्या मन्त्रालयले पूर्व तयारी योजना बनाउने, हाल सञ्चालनमा रहेका नेपाल र भारतबीचका सीमा नाकाहरूलाई कोभिड–१९ को सङ्कमणको अवस्था हेरी पुनरावलोकन गर्ने र सङ्क्रमण दर उच्च हुन पुगेमा नाका घटाउनेतर्फ गृह मन्चालयले आवश्यक गृहकार्य गर्ने निर्णय गरेको हो ।

नेपाल र भारतवीचका सीमा नाकामा मानिस आउँदा यसपूर्व अपनाएका स्वास्थ्य परीक्षणका मापदण्ड पूर्णट्पमा पालना गर्न लगाउने, शङकास्पद व्यक्तिको एन्टिजिन परीक्षण गर्ने, परीक्षणमा कोमिड–१९ को सड्कमण देखिएमा खुट्टै सबारी साधनको प्रयोग गरी होम आइसोलेसनमा पुन्याउने व्यवस्था मिलाउन डिसिसिएमसीलाई निर्देशन दिने तथा स्थानीय तहबाट होम आइसोलेसनको निगरानी गराउने व्यवस्था मिलाउने निर्णय गरेको हो ।

कोभिड–१९ को सङ्कमणबाट जोगिन सचैतना कार्यक्रम अगाडि बढाउने, यसका लागि डिसिसिएमसी र स्थानीय तहलाई अनुरोध गर्ने साथै आम सञ्चारका साधनमार्फत सूचनाहरु प्रवाह गर्ने निर्णय गरिएको हो ।

जसमा सरकारले एस.एम.एस. प्रयोगलाई अनिवार्य गराउने, खोप लगाएका र नलगाएका सबैले अनिवार्य मास्क लगाउने, साबुन पानीले हात धुने, स्यानिटाइजरको प्रयोग गर्ने, स्वास्थ्य तथा जनसङ्ख्या मन्वालयबाट जारी भएका स्वास्थ्य मापदण्ड अनिवार्य पालना गर्ने र गराउने, मानिसको भिडभाड हुनै गरी कार्यक्रम सञ्चालन नगर्ने, गर्नैपर्ने कार्यक्रममा सीमित सँख्या मानिस जम्मा हुने र स्वास्थ्यका मापदण्ड पूर्णरुपमा पालना गर्ने, बैठक, गोष्ठी, सेमिनारजस्ता कार्यक्रम सूचना तथा सञ्चार प्रविधिको प्रयोग गरी भर्चुअल माध्यमबाट गर्ने लगायतका नियमहरु पालना गराउने भनिएको छ ।

पर्यटन क्षेत्र अन्तर्गत सञ्चालन हुने रात्रीकालीन कार्यक्रममा स्वास्थ्यका मापदण्ड अनिवार्य रुपमा पालना गर्ने गराउने, राती ९ बजेपछि रात्रिकालिन कार्यक्रम बन्द गर्न लगाउने र यसको अनुगमन संस्कृति, पर्यटन तथा उडयन मन्त्रालयले मिलाउने जस्ता निर्णयहरु पनि गरिएको हो ।