धनुषाका जाहिर अन्सारीलाई बिसमिल्लाह सोसाइटीको सहयोग

न्यूज ब्यूरो, धनुषा । अति विपन्न धनुषाका एक परिवारलाई बिसमिल्लाह नेपाल सोसाइटी इम्प्रुभमेन्ट नेपालले आर्थिक सहयोग गरेको छ ।

आईतबार धनुषाको हँसपुर नगरपालिकाको बघचौरा बस्ने जाहिर अन्सारीलाई सोसाइटीले १५ हजार रुपैयाँ सहयोग गरेको हो । उनको परिवारिक आर्थिक अवस्था दयनीय रहेको भन्दै सहयोग गरेको हो ।

स्थानीयहरुको आग्रहमा अन्सारीलाई घर खर्चाको लागि तत्काले १५ हजार रुपैयाँ सहयोग गरेको हो । मुस्लिम समुदायका युवाहरुको साँझा सँगठनको रुपमा स्थापित गरिएको सो सँस्थाले १९ औं सहयोग स्वरुप अन्सारीलाई सहयोग गरेको हो ।

यसअघि १८ ठाउँमा निरन्तर सहयोग गरेको सोसाइटीले आगामी दिनमा पनि सहयोग जारी राख्ने सँस्थाका अध्यक्ष अन्सारुल कवारीले जानकारी दिए ।

अभियन्ता कैयूम राईन , मोम्त्ताज राईन , सलामत राईन लगायत्त स्थानीय बुद्धिजीवहरुको रोहबरमा सहयोग गरिएको सँस्थापक अध्यक्ष साबिर अन्सारीले जनाए ।