जनकपुरः परीक्षा अर्मादित बनाएको भन्दै ५ जना फोटोकापीबाला पक्राउ

न्यूज ब्यूरो, जनकपुरधाम । आज जनकपुरमा सिटिईभिटीको परीक्षा चलिरहँदा परीक्षा अमर्यादित बनाउन केही फोटोकापी पसलेले पुस्तक मिनीमाईज गरेको आरोपमा पक्राउ परेका छन् ।

आज भइरहेको सिटिईभिटीको परीक्षाको लागि परीक्षा सम्पन्न हुनु अगावै परीक्षामा चिट चोराउनको लागि पुस्तकलाई मिनीमाईज गरेको आरोपमा पक्राउ गरिएको बुझिएको छ । जनकपुरधाम उपमहानगरपालिका वडा नम्बर ४ भैरवचोकबाट ५ जनालाई पक्राउ गरिएको प्रहरीले जनाएको छ ।

भैरवचोकमा सँचालनमा रहेको केही फोटोकापी पसलमा प्रहरीले छापामारी गरी पक्राउ गरेको हो । उनीहरुले ठुलो किताबलाई सानो पार्ने (मिनिमाईज) गरेको आरोपमा पक्राउ परेका हुन् ।

जिल्ला प्रहरी कार्यालय धनुषाका प्रवक्ता प्रहरी नायव उपरिक्षक मकेन्द्र कुमार मिश्रका अनुसार, उनीहरुलाई गोप्य सूचनाको आधारमा छापामारी गर्दा पक्राउ गरिएको हो ।

अपडेटः

पक्राउ परेका पाँचैजनालाई धनुषा जिल्ला अदालतबाट म्याद लिएर अनुसन्धान प्रक्रिया अगाडी बढाएको प्रहरी प्रवक्ता मकेन्द्र मिश्रले जानकारी दिए ।

---

पुनश्चः यसअघिको प्रारम्भिक जानकारी अनुसार, प्रश्नपत्र नै आउट भएको बारे आएको समाचारमा अन्यथा भएकोले सच्चाइएको छ । यसको लागि हामी क्षमा प्रार्थी छौं–सम्पादक