धनुषाको यदुकूहा र सबैला क्षेत्रमा दुश्मनीले काटिदिए वल्डलिँक WIFI को फाईबर तार, उपभोक्ता प्रभावित

न्यूज ब्यूरो, जनकपुरधाम । देशको सबभन्दा अधिक उपभोक्ता रहेको वल्डलिँक कम्यूनिकेशन ईन्टरनेटलाई धनुषाको कैयौँ ठाउँमा फाईबार तार काटिदिएको छ ।

दशैँमा ईन्टरनेटका कर्मचारीहरु विदा हुने भएपछि दुश्मनीले अर्को ईन्टरनेट सेवा प्रदायकका कर्मचारीले फाईबार तार काटिदिएको आरोप वल्डलिँक कर्मचारीको छ ।

गत बर्ष समेत चाडपर्वकै बेला पूर्वी धनुषाको विभिन्न स्थानमा वल्डलिँक वाईफाईको तार काटिदिएको थियो । यसपाली समेत चाडपर्वको बीचमा ईन्टरनेटको तार काटिदिएको हो ।

वल्डलिँकको तिनकोरिया र सबैला शाखाका अनुसार, सबैलाको सतोषरमा र शहिदनगरको यदुकूहामा फाईबार तार काटिदिएको हो । गएराती नै तार काटिदिँदा ईन्टरनेट सेवा अवरुद्ध भएको छ ।

गएरातीदेखि नै विभिन्न स्थानमा फाईबरको तार काटिदिएको तिनकोरिया शाखाका व्यवस्थापक सरोज शर्माले जानकारी दिए । उनका अनुसार, तार काटिएको स्थानमा प्रोफेश्नल टुल प्रयोग गरिएको हो ।

कुनै ईन्टरनेट कम्पनीका कर्मचारीहरुसँग मात्र हुने प्राफेश्नल कटरले तार काटिएको दाबी गरिएको छ । चाडपर्व बेलामा तार काटेर उपभोक्तलाई दिक्क लगाउन खोजेको बुझाई उनको छ ।

सो क्षेत्रम सुबिसु लगायत अन्य लोकल ईन्टरनेट सेवा प्रदायकहरुले सेवा प्रदान गर्दै आएको छ ।