जनकपुर प्रादेशिक अस्पताल मेसु विहिन, डा. रजकलाई अझै दिएनन जिम्मेवारी, मुख्यमन्त्री कार्यालयको झेल

न्यूज ब्यूरो, जनकपुरधाम । जनकपुर प्रादेशिक अस्पताल अहिले मेडिकल सुपरिटेन्डेन्टविहिन भएको छ । गत असोज २२ गते भएको ४ जना कर्मचारीको सरुवामध्ये तीन जनाले कार्यभार सम्हालेका छन् भने डा. ईन्द्रजीत रजकलाई अझै जिम्मेवारी दिन चाहेका छैनन् ।

सरुवा भएको एक साता बितिसक्दा पनि डा. ईन्द्रजीत कुमार रजकलाई अझै जिम्मेवारी तोकिएको छैनन् । यसअघिका प्रादेशिक अस्पतालका मेसु (निर्देशक) डा. जामुन प्रसाद सिँहलाई स्वास्थ्य मन्त्रालयमा तानेपछि डा. रजकलाई अस्पतालमा सरुवा गरिएको हो । डा. रजकलाई भने अहिलेसम्म जिम्मेवारी तोकिएको छैनन् ।

डा. श्रवण नायक, चाँदनी जयश्वाल, जामुन सिँहले समेत सरुवा भएको ठाउँमा कार्यभार सम्हालिसकेको अवस्थामा डा.रजकलाई भने जिम्मेवारी तोकेर हाजिर गराएको छैनन् ।

मुख्यमन्त्री कार्यालय मधेश प्रदेश र स्वास्थ्य मन्त्रालयले रजकलाई हाजिर नगराई पुनः जामुन सिँहलाई फिर्ता पठाउने आन्तरिक तयारी गरेको सोतले जनाएको छ । यसको लागि एक मन्त्रीसँग करोड बढीको डील भईरहेको स्रोतले बतायो ।

एक सर्पदशंका विरामीलाई भेन्टीलेटर नहुँदा ज्यान गुमाएपछि छानबिन समिति बनेको थियो । सोही क्रममा डा.जामुन प्रसाद सिँहलाई मन्त्रालय तानिएको हो । जामुन सिँह मन्त्रालय तानेर डा. ईन्द्रजीत कुमार रजकलाई मेसुको रुपमा पठाउने गरी सरुवा भएकोमा उनलाई अझै जिम्मेवारी दिएको छैनन् ।

डा. रजकका अनुसार, सरुवाको निर्णय भएपनि अधिकारिक चिठ्ठी भने प्राप्त नभएको बताए । गत असोज २२ गतेको निर्णय अनुसार डा. रजकलाई दशौँ तहमा प्रादेशिक अस्पताल जनकपुरको प्र.मे.सु.को रुपमा काज सरुवा गरेको हो ।

जामुन सिँहको सरुवा मन्त्रालयमा भएपछि तथा डा. रजकलाई मेसुको जिम्मेवारी नदिएपछि अहिले प्रादेशिक अस्पताल मेसुविहिन बनेका छन् । डा. रजकलाई जिम्मेवारी नतोकी पुनः जामुनलाई फर्काउने डील भईरहेको सोतले जनाएको छ ।

यस सन्दर्भमा मुख्यमन्त्री तथा मन्त्रीपरिषद् कार्यालयका मुख्य सचिव शोभाकान्त पौडेल बिदा लिएर काठमान्डौँ गएका छन् भने प्रवक्ता पार्वती शर्मासँग सम्पर्क हुन सकेनन् ।