पूर्वी धनुषामा पुनः काट्न थाले  WorldLink इन्टरनेटको तार, अन्य इन्टरनेटको कर्मचारीले काटेको आशंका

न्यूज ब्यूरो, जनकपुरधाम । पूर्वी धनुषामा पुनः इन्टरनेट सेवा प्रदायक वल्र्डलिँकको केबल तार काट्न सुरु भएपछि उपभोक्ता मारमा परेका छन् ।

पूर्वी धनुषाको शहिदनगर नगरपालिका वडा नं. २ गोठ कोयलपुरस्थित विगत केही दिनदेखि लगातार वल्र्डलिंकको तार काट्ने क्रम जारी छ । तार काटनुको साथै इन्टरनेटको डिस्ट्रीब्यूसन बक्समा समेत क्षति पुरयाउँदै आएको छ ।

सो गाउँमा वल्र्डलिँक इन्टरनेट सेवा उपभोग गर्ने सयौँ घर परिवार छन् । उनीहरुले आफ्नो इन्टरनेट अवरुद्ध गर्न तार काट्ने कुनै तुक नरहेको बताउँदै एक कर्मचारीले इन्टरनेटकै टेक्निसियनले काटेको जस्तो् देखिएको बताएका छन् ।

नजिकको प्रहरीमा वल्र्डलिँकको सबैला ब्रान्चले उजुरी गरिसकेको जनाउँदै प्रहरीले अहिलेसम्म पहल नगरेको गुनासो पोखेका छन् । तार काट्ने शैलीले इन्टरनेटकै कुनै टेक्सिनीसियनले भलिभाँती काटेको देखेपछि कुनै अन्य इन्टरनेट सेवा प्रदायकका कर्मचारीले डाहाले काटेको हुनुपर्ने अनुमान गरिएको छ ।

यसअघि वल्र्डलिँको तार पूर्वी धनुषाको कपटौल औरहीको बीचमा निरन्तर काटदै आएको थियो । तार काट्ने समस्या भएपछि वल्र्डलिँकका टेक्निीसियन विगत एक सातादेखि परेशान भएका छन् ।

सो क्षेत्रमा जानकी केवल इन्टरनेट, सुबिसु इन्टरनेटको समेत सुविधा गएको हो ।