तिहारमा जुवातास खेल्न पाउनुपर्छ भन्दै जनकपुरमा धनुषाका प्रहरी SP विरुद्ध प्रदर्शन

न्यूज ब्यूरो, जनकपुरधाम । तिहारको बेला जनकपुरमा जुवा खेल्न पाउनुपर्छ भन्दै केही व्यक्तिहरुले आज साँझ प्रदर्शन गरेको छ ।

जिल्ला प्रहरी कार्यालय धनुषाले जनकपुरबाट १९ जुवाडेलाई पक्राउ गरेपछि केही व्यक्तिहरुले उनीहरुको रिहाईको माग गर्दै जनकपुरको थापाचोकमा प्रदर्शन गरेको छ ।

तिहारमा थापाचोकस्थित रहेको कालाी होटलसहित विभिन्न स्थानबाट १९ जना जुवाडेलाई पक्राउ गरेपछि रिहाईको माग गर्दै जनकपुरमा प्रदर्शन गरिएको जनाइएको छ ।

तिहारमा साथीभाईसँग जुवातास खेल्ने परम्परा रहेको भन्दै एक व्यवसायीले साथीसँग तासतास खेलेपनि प्रहरीले पक्राउ गरेपछि त्यसको विरुद्धमा प्रदर्शन गरिएको हो ।

यता, प्रहरीले भने जुवातास गैर कानुनी रहेको तथा आर्थिक नोक्सनीको कारण समेत भएकोले कानुन बमोजिम कारवाही थालिएको बताएको छ ।