जनकपुरदेखि कमलासम्मको हुलाकी सडकमा ताबडतोड चल्यो डोजर, सडकमा भएको संरचनामाथि धमाधम खाली

न्यूज ब्यूरो, जनकपुरधाम । जनकपुरधामको कदमचोकदेखि कमला नदीसम्मको हुलाकी सडकमा धमाधम डोजर चल्न थालेको छ ।

हुलाकी राजमार्ग आयोजना तथा सडक विभागको विशेष सक्रियतामा जनकपुरदेखि कमला नदीसम्मको हुलाकी सडकमा राखिएको समाग्री, संरचनामाथि डोजर चलाईएको हो ।

प्रथम चरणमा कमला नगरपालिकाको वडा नं. ४ सघारादेखि तिनकोरियासम्म डोजर चलेको हो । अहिले कमला नगरपालिकाको वडा नं. ३ लगमा बजार, माचि झिटकैयामा प्रहरी प्रशासन लगाएर डोजर चलाईएको हो । यसको लागि विगत तीनदेखि नियमित अनाउन्स गरिएको थियो ।

हुलाकी सडकमा थुपारिएको निर्माण समाग्री, राखिएको कठघारा, पसल, संरचनाहरु खाली गर्न प्रचार गरिएको थियो । अटेरी गर्नेहरुको संरचनामाथि डोजर चलाईएको हुलाकी राजमार्ग आयोजना जनकपुरले जनाएको छ ।

हुलाकी सडकको दुवै तर्फको सडक खाली गर्ने क्रम जारी छ ।