जनकपुरको राजदेवी मन्दिरमा ४ वटा ठेहा, एक मिनेटमा करिब ९० वटा बोकाबली हुँदै

न्यूज ब्यूरो, जनकपुरधाम । जनकपुरधामको प्रसिद्ध राजेदेवी मन्दिरमा बोकाबली सुरु भएको छ । बोकाबली कार्यक्रम बेलुकी ८ः०० बजेदेखि नै सुरु भएको हो । ठेहा पूजन सम्पन्न भएपछि बोकाबली सुरु भएको हो ।

आयोजक महावीर युवा कमिटिका अनुसार, प्रति एक मिनेटमा करिब ९० वटा बोकाबली भईरहेको छ । राजदेवी मन्दिरमा बोकाबलीको लागि ४ वटा ठेहा राखिएको छ । गत बर्ष समेत ४ वटा ठेहा राखिएको थियो ।

महावीर युवा कमिटिका स्वयंमसेवकहरु मोटो रुपमा परिचालन गरिएको छ । यसका साथै नेपाल प्रहरी र सशस्त्र प्रहरीको समेत कडा निगरानी राखिएको छ । देशमा सबैभन्दा अधिक बोकाबली जनकपुरको राजदेवीमा हुँदै आएको छ ।