जनकपुरको राजदेवीमा ठेहा पूजन सुरु, केही बेरमै बोकाबली सुरु हुने

न्यूज ब्यूरो, जनकपुरधाम । जनकपुरधामको प्रसिद्ध शक्तिपीठ राजदेवी मन्दिरमा ठेहा पूजन कार्यक्रम सुरु भएको छ । ठेहा पूजनपछि बोकाबली सुरु हुने जनाईएको छ ।

बेलुकी ७ः०० बजेदेखि सुरु हुने भनिएको बोकाबलीको लागि सबै तयारी पूरा भईसकेको आयोजक महावीर युवा कमिटिले जनाएको छ ।

प्रत्येक बर्ष ठेहा पूजनको शुभ साईत हेरेपछि सोही अनुसार ठेहा पूजन गरी मात्र बोकाबली सुरु हुने परम्परा रहेको छ । आयोजकले ७ः०० बजे भनिएपनि ठेहा पूजन नभएसम्म बोकाबली आरम्भ नहुने जनाईएको छ ।

राजदेवी मन्दिर, जनकपुरधाम

वर्षअनुसार बोकाबलीको संख्या

ठेहा पूजनको लागि शुभ साईत अनुसार सुरु गरिएको छ । ठेहा पूजन सम्पन्न भएपछि बोकाबलीको कार्यक्रम सुरु हुने जनाईएको छ । बोकाबलीको लागि राजदेवीमा ठुलो लाईन लागेको छ ।

यस बर्ष राजदेवीमा १५ हजारको हाराहारीमा बोकाबली हुने आयोजक महावीर युवा कमिटिको आँकलन छ ।