जनकनन्दिनीको न्यू लाईफ भिजन स्कूलद्धारा बाढी पीडितका लागि १ लाख २१ हजार सहयोग

न्यूज ब्यूरो, जनकपुरधाम । जनकनन्दिनी गाउँपालिकाको खजुरीमा रहेको न्यू लाईफ भिजन मावि स्कूलले बाढी पिडितका लागि १ लाख २१ हजार रुपैयाँ सहयोग गरेको छ ।

गत भदौमा गएको विनाशकारी बाढीबाट ठुलो जनधनको क्षति भएको थियो । सोही क्रममा न्यू लाईफ भिजन स्कूलले शिक्षकहरु तथा विद्यार्थीहरुबाट १ लाख २१ हजार रुपैयाँ सहयोग पठाएको हो ।

विद्यालयले प्रधानमन्त्री कोषमा १ लाख २१ हजार रुपैयाँ डिपोजिट गरेको विद्यालयका प्रिन्सीपल रवि यादवले जानकारी दिए । उनले कृषि विकास बैँक मार्फत प्रधानमन्त्री दैवी प्रकोपमा रकम पठाएको बताए ।

बाढी पीडितहरुको घाउमा मलहम लगाउन विद्यार्थीहरुबाट १५ हजार र शिक्षक शिक्षिकाहरुबाट १ लाख ६ हजार रुपैयाँ संकलन गरी पठाएको बताए ।