जनकपुरः नाग सर्प निस्केको भन्दै मन्दिर बनाउने तयारी, हेर्नेको भीड बढदै

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरधामदेखि केही दुरीमा रहेको महोत्तरीको रौजा बजार स्थित नाग सर्प निस्केको भन्दै मन्दिर बनाउने तयारी समेत गरिएको छ ।

महोत्तरीको बलबा नगरपालिका वडा नम्बर ११ रौजा बजार स्थित एक खेतमा मोनेक्लेड कोबरा नामक सर्पलाई नाग देवता मान्दै स्थानीयहरुले त्यहाँ मन्दिर बनाउनेसम्मको निर्णयसम्म पुगेको देखिएको छ ।

सो स्थानमा स्थानीयहरुले चौतर्फी घेराबन्दी गरेर लाउण्डस्पीकरहरु समेत लगाइदिएको छ । माटो पुरेर दानपेटी समेत राखी स्थानीयहरुले बाहिरबाट सर्प हेर्न जाने सर्वसाधारणहरुले समेत नाग देवता भन्दै दर्शनको लागि घण्टौसम्म कुर्ने गरेको छ ।

त्यहाँ नाग दर्शनको लागि जाने भन्दै होर्डिँग बोर्डमा ओम नमायः शिवाय नाग दर्शन नाम पनि राखिएको छ । नाग देवता प्रकट भएको भन्दै जिल्लाको विभिन्न स्थानाट सयौंको सँख्यामा सर्वसधारणहरु सर्प दर्शनको लागि जाने गरेको देखिएको छ ।

हिन्दु धर्मावलम्बीहरुको लागि भगवान शिवको गालामा हुने नाग सर्प र नागलाई देवता मान्दै आएकोमा सोही अनुसार सर्पलाई देवता मान्दै स्थानीयहरुले त्यहाँ पूजाआजा, नवाह, अष्टजाम, भजन किर्तन समेत गर्ने निर्णय गरेको हो ।

विगत १७ दिनदेखि सो ठाउँमा नाग देवता निस्केको भन्दै विभिन्न ठाउँबाट दर्शनको लागि जाने गरेको छ । स्थानीयहरुका अनुसार, केही दिन अघि दुई वटा सर्प निस्केको भन्दै अहिले तीनवटासम्म नाग निस्केको जनविश्वास अनुसार सो ठाउँमा सुरक्षा समेत प्रदान स्थानीयहरुले गरेको छ ।

विगत १६ दिनदेखि दिनहुँ सोही ठाउँमा निस्केको भन्दै सोही स्थानमा निस्केर पुनः दुलो भित्र जाने गरेको बताइएको छ । स्थानीयहरुका अनुसार, नाग देवता नभएको भए र साधारण सर्प भएको भए रातीमै निस्केर सो ठाउँबाट भाग्न सक्थे, तर यतिको भीड भएपनि सोही ठाउँमा दर्शन दिएर पुनः भित्र जाने गरेको बताइएको छ ।

स्थानीय दिलीप राउतका अनुसार, सर्प विहान ११ बजेदेखि दिउँसो १ बजेको बीचमा दर्शन दिने गरेको विश्वास जनाए । सोही ठाउँमा मन्दिर समेत निर्माण गर्ने गरी गाउँलेहरुले विचार गरेको बताइएको छ । पूजा, नवाह र भजन किर्तन समेत नियमित गर्ने निर्णय गरेको हो ।

सर्प सम्बन्धी जानकार एवम् मिथिला वाइल्ड लाईफ ट्रस्टका अध्यक्ष (स्नेक म्यान) देव नारायण मण्डलका अनुसार, सो मोनेक्लेड कोबरा रहेको छ । जाडोको मौसममा घाम ताप्नको लागि केही बेर दुलोबाट बाहिर निस्कने गर्ने व्यवहारलाई स्थानीयहरुले नाग देवता ठानेर पूजाआजा गर्न थालेका छन् ।

मोनेक्लेड कोबरा नामक सर्पको फन (छत्तर) मा हिराजस्तै डिजाइन देखिन्छ जसको कारण आम सर्वसधारणले नाग देवता भन्दै आस्था बसाउने गरेको छ । मोनेक्लेड कोबरा जहिरा सर्पहरुमध्ये एक हुन् । यसले घर आसपासको अन्य जहरिला सर्पहरुलाई खाएर पर्यावरणलाई सन्तुलन गर्न मदत गर्दछ ।

स्थानीयहरुले नाग देवता भन्दै धनुषाको हँसपुरमा समेत निस्केको बेला वनकर्मीहलाई उद्धार भने गर्न दिएनन् । यस्ता सर्पलाई समयमै उद्धार नगरे ज्यान पनि जाने खतरा रहेको अध्यक्ष मण्डलले बताए । जाडोको मौसममा घाम ताप्नको लागि सर्पहरु केही बेर बाहिर आउने गर्दछ ।