जनकपुरः ट्रयाक्टरले किचिएर एक युवकको घटनास्थलमै मृत्यू ,टोल शोकमग्न

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरधामदेखि केही दुरीमा रहेको लक्ष्मीनियाँमा एक युवकको ट्रयाक्टरमा किचिएर मृत्यू भएको छ ।

धनुषाको लक्ष्मीनियाँ गाउँपालिका वडा नं. १ अरेरबा स्थित विहिबार ट्रयाक्टरले किचिएर स्थानीय कुलानन्द यादवको अन्दाजी बर्ष १८ का छोरा ईन्द्रजीत यादवको घटनास्थमै मृत्यू भएको जिल्ला प्रहरी कार्यालय धनुषाले जनाएको छ ।

लक्ष्मीनियाँ गाउँपालिका वडा नम्बर १ सिनुरजोडाको पुरानो अरेरबाको सरकारी स्कूल अगाडीमा विहिबार अपरान्ह करिब ४ बजेको समयमा सिनुरजोडाबाट अरेरबाको लागि माटो लिएर जाँदै गर्दा किचिएर मृत्यू भएको स्थानीयवासीहरुले जनाएको छ ।

उनलाई ज १ त ७९७७ नम्बरको ट्रयाक्टरमा माटो लिएर जाँदै गर्दा ईन्जिनमा बसेका यादवले खसेपछि पछाडीको टेलरको चक्का उनको टाउको भएर गएपछि मृत्यू भएको जिल्ला प्रहरी कार्यालय धनुषाका प्रहरी प्रवक्ता मकेन्द्र मिश्रले जानकारी दिए ।

ट्याक्टर चलाउने स्थानीय पुलकित यादवको छोरा लटल भन्ने लक्ष्म्ण यादव रहेको स्थानीयवासीले जनाएको छ । दुर्घटनापछि लटल फरार भएको तथा स्थानीय पल्टु यादवको नाममा रहेको सो ट्रयाक्टरको चालकमा राम एकवाल यादवको बर्ष २७ का छोरा सँतोष यादवलाई राखिएको बताइएको छ ।

यद्यपी, जिल्ला प्रहरी कार्यालय धनुषाले अहिले सँतोष लक्ष्मनियाँ प्रहरीको नियन्त्रणमा रहेको छ भने शवलाई पोष्टमार्टमको लागि प्रादेशिक अस्पताल जनकपुरमा ल्याइएको छ । सबै मुचुल्का उठाएर अनुसन्धान सुरु गरिएको प्रहरीले जनाएको छ ।

एक स्थानीयका अनुसार, दुर्घटना पश्चात ट्रयाक्टरको चालक परिवर्तन गरिएको हो । त्यतिबेला ट्राक्टर चलाएका चालक फरार रहेको र त्यतिबेला जेसिबी चलाउँदै गरेका सँतोषलाई विधि पूर्वक प्रहरीमा लाईसेन्स भएर राखिएको बताइएको छ । प्रहरीले यसबारे पनि अनुसन्धान गरी मात्र भन्ने बताएको छ ।

यता, कलिलो उमेरमै ईन्द्रजीतको मृत्यू भएपछि अहिले सिँगो टोल नै शोकमग्न भएको छ ।