धनुषामा मोसा चोरी आरोपमा एक पक्राउ

न्यूज ब्यूरो ||
धनुषा, ३ फागुन । मोटरसाईकल चोरी गरेको आरोपमा धनुषा प्रहरीले एक जनालाई पक्राउ गरेको छ ।

पुर्वी धनुषाको बवदेह नगरपालिका वडा नम्बर २ घर भएका राम भरोसी रायलाई प्रहरी चौकि ठाढि झिझाले बिशेष सुराकीको आधारमा पक्राउ गरेको हो ।

बिना नम्बर प्लेट भएको प्यासन प्रो हरियो रंगको मोटरसाईकल भारत लगीरहेको बेला रायलाई प्रहरीले पक्राउ गरेको हो ।

पक्राउ परेका रायलाई छोडाउन राजनीतिक दबाबका आएकाले तत्काल इलाका प्रहरी कार्यालय खजुरी पठाइएको एक प्रहरीले बताएका छन् ।

यता, मोटरसाईकल र रायको बारेमा आवश्यक छानबीन गरीरहेको इलाका प्रहरी कार्यालय खजुरीका इन्सपेक्टर होम अधिकारीले बताएका छन ।

श्रोतका अनुसार, पक्राउ परेका रायलाई छोडाउन स्थानीय एक जनप्रतिनिधिले प्रशासनीक दबाब बनाइरहेको छ भने ईन्सपेक्टर अधिकारीले आफूलाई कुनै प्रकारको दबाब नआएको न्यूज ब्यूरोलाई बताए ।

पक्राउ परेका राय उपर आवश्यक अनुसन्धान भइरहेको तथा मोटरसाईकल समेत ईलाका प्रहरी कार्यालय खजुरीको नियन्त्रणमा रहेको अधिकारीले थपे ।

कारवाहीको लागि जिल्ला प्रहरी कार्यालय धनुषा जानकारी सहित म्याद समेत थप गरिएको अधिकारीले बताए ।

पक्राउ परेका राय एक महिना अघि बोर्डडर आउट पोष्ट महिनाथपुरमा चेक जाँचका क्रममा चोरीको मोटरसाईकल छोडेर भागेका थिए ।