माध्यमिकी परिक्रमा आज भारतको कल्याणेश्वरमा

न्यूज ब्यूरो ||
जनकपुरधाम, ३ फागुन । मिथिलाको महाकुम्भ मानिने ऐतिहासिक १५ दिने धार्मिक माध्यमिकी परिक्रमा आज भारतको कल्याणेश्वरमा विश्राम लिएको छ ।

परिक्रमाको धार्मिक लस्कर आज भारतको कल्याणेश्वरमा राती विश्राम गर्नछन भने भोली शुक्रबार गिरिजास्थानको लागि प्रस्थान गर्नेछन् ।

फागुन कृष्णपक्षको औंसीमा कचुरी मठबाट भगवान राम र जानकीको डोला सहित परिक्रमा सुरु भएको हो ।

हिजो बुधबार राति धनुषाको हुनमाननगरमा विश्राम गरेर परिक्रमामा सहभागी साधु सन्त तथा श्रद्धालुहरु आज विहिवार विहान पुजापाठ गरी भारत बिहारको कल्याणेश्वर प्रस्थान गरेका छन् ।

फागुन औंसीका दिन धनुषाको ठेरा कचुरीबाट निस्कने मिथिलाबिहारीको डोला तथा जनकपुरको रत्नसागर र अग्निकुण्डबाट निस्कने किशोरीजीको डोला जानकीमन्दिर भएर जनकपुरको हनुमाननगर पुगेपछि माध्यमिकी परिक्रमाको विधिवतरुपमा सुरुवात भएको हो ।

परिक्रममा सहभागी श्रद्धालुहरुले १ सय २० किलो मिटरको सहित ५ कोसी परिक्रमाको दुरी तय गर्ने गर्छन् ।

नेपाल(भारत दुवै मुलुकको धार्मिक सांस्कृतिक एवं पारम्परिक सदभावका प्रतीक बनेको परिक्रमायात्राको क्रममा नेपालमा १३ तथा भारतमा २ गरी १५ विश्रामस्थल छ ।

धार्मिक लस्कर आज कल्याणेश्वर विश्राम गरी भोली गिरिजास्थानको लागि प्रस्थान गर्नेछन् ।