विपन्न बस्तीमा JYC द्वारा राहत वितरण

न्यूज ब्यूरो, सिरहा । सिरहाको मिर्चैया नगरपालिका–७ स्थित जीवा मुसहरी टोलमा विपन्न परिवारलाई राहत प्रदान गरिएको छ ।

जनसेवा युवा क्लब मिर्चैयाले उक्त बस्तीका ७ घर परिवारलाई राहत सामाग्री प्रदान गरेको हो । दैनिक ज्यालादारीमा निर्भर उनीहरुको जनजीवन एकाएक बढेको कठ्ंयाग्रिदो जाडोका कारण प्रभावित बनेको छ ।

जिसोका कारण मदजुरी गर्न नपाएर समस्यामा परेका विपन्न परिवारहरुलाई राहत प्रदान गरिएको जेवाइसी मिर्चैयाका सभापति रविन साहले बताए । राहतमा चावल, दाल, प्याज, आलु, सोयाविन, तेल, भुजा, गहुँको पीठो, नुन, साबुन, पेस्ट, कापी, पेन्सिल, इरेजर, कटर, मास्क लगायत स्यानेटरी प्याड पनि वितरण गरिएको छ ।

राहत वितरणसँगै महिनावारी सम्बन्धि सचेतना पनि दिइएको क्लबले जनाएको छ ।