बिओपी धनौजीद्धारा करिब अढाई लाख बराबरको औषधी पक्राउ

न्यूज ब्यूरो, जनकपुरधाम । धनुषाको नेपाल भारत सीमा स्थित रहेको बिओपी धनौजीले भारी परिणामा अवैद्य औषधी पक्राउ गरेको छ ।

बिओपी धनौजीबाट खटेको सशस्त्र प्रहरीको टोलीले धनुषाको धनौजी गाउँपालिका वडा नं. ४ भडरिया स्थितबाट २ लाख ३७ हजार ५५६ बराबरको औषधी बरामद गरेको हो ।

सशस्त्र प्रहरीका बिओपी धनौजीका ईन्चार्ज एवम् प्रहरी नीरिक्षक (ईन्सपेक्टर) रवि बस्नेतको कमाण्डमा गएको ७ जनाको मोबाइल टोलीले भारतबाट अवैद्य रुपमा ल्याउँदै गरेको अवस्थामा पक्राउ गरिएको हो ।

ईन्स्पेक्टर बस्नेतका अनुसार, प्रहरी टोलीलाई देख्ने वित्तिकै भन्सार छली गरी ल्याउँदै गरेको औषधी छाडेर व्यक्ति भागेको थियो ।

सो क्रममा Vibl ३०० पिस, Ipravent २० पिस , DD 50 १४६ पिस , .Zenegera २० पिस, pantraprazol २० पिस , Loboderm ५९ पिस , Jalim lotion १० पिस लगायतका औषधीहरु बरामद गरिएको र कारवाहीको लागि भन्सार कार्यालय जनकपुर पठाइएको उनले बताए ।