धनुषा हँसपुर नगरपालिकाको अधिकृतमा मण्डल

न्यूज ब्यूरो, जनकपुरधाम । धनुषाको हँसपुर नगरपालिकाको लागि नयाँ अधिकृतको रुपमा रामलोचन मण्डल आएका छन् ।

यसअघि स्वास्थ्य शाखा हेर्दै आएका मण्डल सोही नगरपालिकाको निमित्त प्रमुख प्रशासकीय अधिकृतको रुपमा कार्यभार सम्हालेका हुन् । मण्डल शुक्रबारदेखि नै नगरपालिकाको कार्यभार सम्हालेको मेयर रामज्ञान मण्डलले बताए ।

उनले यसअघि प्रमुख प्रशासकीय अधिकृतको रुपमा उमेश यादव कुशल रुपमा कार्यसँचालन गरेका थिए । यादव अधिकृत हुँदा हँसपुर नगरपालिकाको विकास निर्माण सहित अन्य क्षेत्रहरुको विकासका कार्यहरु कुशल रुपमा सँचालन भएको जनाउँदै मण्डलले कार्यभार सम्हालेपछि कार्य कौशलता देखिने बताए ।

स्वास्थ्यको प्रमुखको रुपमा सोही नगरपालिकाका काम गरेका मण्डललाई अधिकृतको जिम्मेवारी दिदै शुक्रबार स्वागत कार्यक्रम गरिएको थियो ।