धनुषाको पर्वातामा हनुमान मन्दिर बन्दै

न्यूज ब्यूरो, जनकपुरधाम । धनुषाको धनुषाधाम नगरपालिका वडा नम्बर ५ पर्वता हनुमान मन्दिर निर्माण गरिने भएको छ ।

स्थानीय समाजसेवी फुलगेन सहनीको सभापतित्वमा शिलान्यास कार्यक्रमको आयोजना गरी शिलान्यास गरिएको हो । नगरप्रमुख बालेश्वर मण्डलको प्रमुख अतिथिमा शिलान्यास कार्यक्रम सप्पन्न गर्दै यथाशिघ्र हनुमान मन्दिर निर्माण हुने प्रतिवद्धता जाहेर गरिए ।

शिलान्यास गर्दै नगरप्रमुख मण्डलले रामजानकी मन्दिर रहिआएकोले भगवान रामको ठूलो भक्त हनुमान रहिआएकोले विवाह पन्चमी दिन शुभ दिन हेर्दै शनिबार हनुमान मन्दिर शिलान्यास गरिएको बताए ।

नगरपालिकाको वडा स्तरीय योजनाबाट वजेट विनियोजन गरि हनुमान मन्दिर निर्माण गर्न लागेको करिब १० लाखको लागतमा मन्दिर निर्माण हुने वडा अध्यक्ष इन्द्रकुमार महतोले बताए ।

कार्यक्रममा नेपाली काङ्ग्रेस नेता बिक्रु मिझार ,नागेन्द्र सिंह ,जौकुमार महतो लगायत स्थानीय भद्रभलादमी ,बुद्दीजिविको उपस्थित रहेको थिए ।