हाम्रा अन्नदाताको लागि हामी सदैव साथ छौं : मेयर मण्डल

न्यूज ब्यूरो, जनकपुरधाम । धनुषाको हंसपुर नगरपालिका मेयर रामज्ञान मण्डलले कृषिलाई पहिलो प्राथमिकता राखि हामी विकास गर्ने बताएका छन् ।

नगरका किसानलाई सिँचाई सुविधाको लागि ल्याएको डिप बोर्डिङग योजनाको उदघाटन गर्दै मेयर मण्डलले किसान नै अन्नदाता रहेको बताउँदै उनीहरुको लागि हरेक सम्भव प्रयास गर्ने प्रतिवद्धता जाहेर गरे ।

कामेश्वर कापरको अध्यक्षता तथा मेयर मण्डलको प्रमुख आतिथ्यमा उदघाटन गरिएको डीप बोर्डिङग नगरपालिकाको सबै वडाको लागि बजेट विनियोजन गरिएको बताए । उनले प्रत्येक वडामा १० १० लाख गरी १ करोड रुपैयाँ विनियोजन गरिएको बताए ।

हँसपुर नगरपालिकामा सिँचाई सहजता हेतु डिप बोर्डिङगका साथै कृषिमा विद्युतियकरण समेत गरिने जनाए । उनले एउटा डिप बोर्डिङ ५०० देखि ८०० सय फिटसम्म जडान गर्ने गरिएको बताए ।

हंसपुर बजारमा सौन्दर्यकरण गर्न सटर निर्माण

सोही क्रममा हँसपुर बजारलाई सौन्दर्यीकरण गर्नको लागि बजारमा सटर निर्माण गरिएको छ । वडा ३ का अध्यक्ष उदयकुमार सिहंको अध्यक्षता तथा मेयर मण्डलको प्रमुख आतिथ्यमा युवाहरुलाई विदेशभन्दा पनि स्थानीय स्तरमै स्वरोजगार प्रदान गर्नको लागि सटर निर्माण गरी व्यावसायिक बनाउने निर्णय गरिएको हो ।

त्यसको लागि गासिका भूपू अध्यक्ष प्रमेश्वर कापर जग्गा संरक्षणमा योग्दान दिएका थिए । नगर स्तरीय योजनाबाट नगरपालिकाले बजेट १ करोड ७५ लाखको बजारिकरण हिसाबले सटरको शिलान्यास गरिएको छ ।