प्रहरी कार्यालयको उद्घाटन

विनय कुमार यादव, न्यूज ब्युरो
जनकपुरधाम, १ फागुन ।
धनुषाको तारापट्टीमा प्रहरी कार्यालयको नव निर्मित भवनको एक कार्यक्रमबीच उद्घाटन गरिएको छ ।

मिथिलाविहारी नगरपालिका अन्तर्गत पर्ने तारापट्टीमा नव निर्मित ईलाका प्रहरी कार्यालय भवनको प्रदेश २ का प्रहरी अतिरिक्त महानीरिक्षक विजय लाल कायश्थले उद्घाटन गरेका छन् ।

नगरपालिकाको वडा नं. ७ निवासी शुसिला देवी ग्रामीको अध्यक्षता तथा कायस्थको प्रमुख आतिथ्यमा आयोजना गरिएको समारोहमा उक्त नव निर्मित भवनको उद्घाटन गरिएको हो ।

धनुषाधाम नगरपालिका ईलाका प्रहरी कार्यालय अन्तर्गत पर्ने उक्त प्रहरी भवन उद्घाटन समारोहमा प्रहरी नीरिक्षक प्रकाश दाहालले कार्यक्रम सँचालन गरेका थिए ।

कार्यक्रममा मिथिला विहारी नगरपालिकाका मेयर अनिल कुमार यादव, धनुषाधाम नगरपालिकाका मेयर बालेश्वर मण्डल, संघीय प्रहरी ईकाई कार्यालय जनकपुरका प्रमुख प्र.ब.उ. सुभाष चन्द्र चौधरी, मिथिला विहारी नगरपालिकाकी उपमेयर अनिता कुमारी साह, धनुषाधाम नगरपालिकाकी उपमेयर विद्या देवी भुजेल, जिप्रका धनुषाका प्रहरी प्रमुख चक्र बहादुर सिँह, सशस्त्र प्रहरी बल सीमा सुरक्षा कार्यालय धनुषाका प्रमुख स.प्र.उ भगत बाबु केसी, राष्टिय अनुसन्धान कार्यालय धनुषाका प्रमुख सँजय कुमार यादव सहित नगरपालिकाका वडाध्यक्षहरुको समेत सहभागिता रहेको थियो ।