डिप्लोमा इन्जिनियर जनमत संघको सिरहा जिल्ला समिति गठन

न्यूज ब्यूरो, सिरहा । डा. सिके राउत नेतृत्वको जनमत पार्टीको भातृ संगठन डिप्लोमा इन्जिनियर जनमत संघको सिरहा जिल्ला तदर्थ समिति गठन गरिएको छ ।

मंगलबार एक कार्यक्रमबीच श्याम सुन्दर साह (जिज्ञासु) को नेतृत्वमा १२ सदस्यीय जिल्ला तदर्थ समिति गठन गरिएको हो । समितिको उपसंयोजकमा राम इश्वर यादव रहेका छन् ।

यस्तै, सचिवमा कृष्ण कुमार साह, सहसचिवमा काशिन्द्र कुमार महतो तथा सदस्यहरुमा इन्द्रजीत सिंह, केन्द्र प्रसाद भण्डारी, सरोज कामति, प्रदीप यादव, राम चरित्र महतो, कारिचण मण्डल र इन्दल भण्डारी रहेका छन् ।

आजको कार्यक्रममा जनमत पार्टीका केन्द्रीय सदस्य राजकुमार यादव (त्यागी), डिप्लोमा इन्जिनियर संघका केन्द्रीय संयोजक मुकेश मैरता, प्रशिक्षण विभाग प्रमुख संजय यादव, जनमतका सिरहा इन्चार्ज विजय साह, विद्यार्थी जनमत संघ सिरहाका अध्यक्ष अरविन्द सहनी लगायतको सहभागिता थियो ।

जनमत पार्टीले सांगठनिक कामसँगै भातृ संगठनहरुको विस्तारको कार्यमा समेत तीव्रता दिएको छ ।