धनुषामा ट्र्याक्टरको ठक्करले महिला ठहरै !

न्यूज ब्युरो ||
धनुषा, २७ माघ । धनुषामा ट्र्याक्टरले ठक्कर दिँदा एक महिलाको घटनास्थलमै मृत्यू भएको छ ।

धनुषाको कमला नगरपालिका वडा नं. ८ टेढामोरमा ट्र्याक्टरले ठक्कर दिँदा महिलाको तत्कालै मृत्यू भएको प्रहरीले जनाएको छ ।

डुमरियाबाट सोनापारा जाँदै गरेको ज १ त ७५२५ नम्बरको ट्र्याक्टरले मुनेश्वर भुसुकुलियाकी ६५ वर्षिय श्रीमित एकलास देवीको घटनास्थलमै मृत्यू भएको ईलाका प्रहरी कार्यालय यदुकुहाले जनाएको छ ।

यता, ट्र्याक्टर चालकलाई प्रहरीले नियन्त्रणमा लिएको छ भने मृतकको शवलाई पोष्टमार्टमका लागि जनकपुर ल्याउने तयारी भइरहेको प्रहरीले जनाएको छ ।