'अनिल झा' लाई हिम्मत भए हाम्रो गाउँपालिका आओस : मुखिया

न्यूज ब्यूरो, रौतहट । प्रदेश नम्बर २ को रौतहट क्षेत्र नम्वर १ का संघिय साँसद अनिलकुमार झालाई एक गाउँपालिका अध्यक्षले खुल्ला चुनौति दिएका छन् ।

नेता झाले केही दिन अघि दिएको अभिव्यक्तिको घोर भर्सना गर्दै हिम्मत भए गाउँमा आएर देखाउन यमुनामाई गाउँपालिकाको अध्यक्ष श्रीप्रसाद मुखियाले चुनौति दिएका छन् ।

यमुनामाई गाउँपालिकाको कार्यालय सरुअठामा आयोजित पत्रकार सम्मेलन मार्फत उक्त चेतावनी दिदै गाँपा अध्यक्ष मुखियाले गएको ११ गते दशैको शुभकामना मन्तव्य दिने क्रममा पुर्व मन्त्री एवम जसपाका केन्द्रिय नेता साँसद झाद्धारा स्थानीय तहको रकम मेयरको वाउको होइन, विदेशमा कमाउन गएका व्यक्तिहरुको श्रीमतीहरु अरुसंग अनैतिक सम्बन्ध राखेको जस्ता अमर्यादित, अशोभनिय अभिव्यक्ति दिएको भन्दै कडा रुपमा उनले आलोचना गरेका हुन् ।

मुलुकमा अहिले तिन तहको सरकार छ, सबैको आ आफना तजविजमा काम भईरहेको छ, सबै जनताकै लागि विकासमा जुटेको भएपनि राज्यबाट आउने रकम साँसदको घरबाट पुख्र्यौली सम्पत्ती आएको जस्तै साँसद झाले यमुनामाई गापाको वडा नम्वर ४ मा शुभकामना आदानप्रदान कार्यक्रममा दिएको गैर लोकतान्त्रिक, संकुचित मानसिकताबाट ग्रसित भएका अभिव्यक्तिको जति निन्दा गरे त्यती कम रहेको हुँदा यमुनामाई गाउँपालिका प्रवेश गर्न नदिने पत्रकार सम्मेलन मार्फत चेतावनी दिए ।

दलित जातिबाट गाउँपालिकाको प्रमुख पदमा आएको हुँदा मलाई लक्ष्ति गरेर उक्त अभिव्यक्ति दिएको प्रति आक्रोशित बन्दै गापा अध्यक्ष मुखियाले साँसद झा माफी नमागे सम्म उनलाई पालिका भित्र प्रवेश गर्न नदिने अडान दो¥याए ।

विधिको शासन व्यवस्थामा साँसद भएर महिला र स्थानीय तहको प्रमुखहरु माथि दिएको अभिव्यक्ति दिनु कतिको सान्दर्भिक रहेको त्यसको निराकरण जनताले पछि गर्ने छ तर ठाडो रुपमा यसपालिकाबाट सार्वजनिक रुपमा अशोभनिय कार्यको मात्रै विरोधी रहेको स्पष्ट पारे ।