समाजमा राजकिशोर जस्ता दाताहरु जन्म लिनुपर्छ : मेयर यादव

न्यूज ब्यूरो, जनकपुरधाम । धनुषाको मिथिला बिहारी नगरपालिकाका मेयर अनिल कुमार यादवले समाजमा दाताहरुको सक्रियता बढनुपर्ने बताएका छन् ।

बुधबार मिथिला बिहारी नगरपालिका वडा नं. ४ रमौल स्थित निर्माण गरिएको राजकिशोर यादव समुदायिक भवनको उदघाटन तथा हस्तान्तरण कार्यक्रममा बोल्दै मेयरले समाजमा राजकिशोर यादव जस्ता दाताहरुको जन्म अपरिहार्य रहेको बताए ।

भूतपूर्व गाविस अध्यक्ष समेत रहेका दाता राजकिशोर यादवले सो वडामा समुदायिक भवनको लागि जग्गा दान गरेपछि नगरका मेयर यादवले उनलाई सम्मान समेत गरेका छन् । उदघाटन कार्यक्रममा उनको दान र कर्तव्यको प्रसँसा गर्दै समाजमा उदाहरणीय कार्य गरेकोप्रति धन्यवाद समेत ज्ञापन गरे ।

जग्गा दाता राजकिशोर यादवको अध्यक्षता तथा मेयर यादवको प्रमुख आतिथ्यमा सम्पन्न भएको उदघाटन एवम् भवन हस्तान्तरण कार्यक्रममा बोल्दै दाता यादवले मानवले आफ्नो जीवनमा मरोणोपरान्त केही पनि नलिएर नजाने बताउँदै समाजको लागि पनि केही योग्दान दिनु नै धर्म रहेको बताए ।

समुदायिक भवन निर्माणको लागि उनले १० धुर जग्गा दान गर्दै समाजको लागि सहयोग मात्र गरेको बताए । निर्माण गरिएको समुदायिक भवनमा विभिन्न स्थानबाट आउने जन्ती, साधु सन्तको सम्मेलन सहित अन्य विभिन्न सार्वजनिक प्रयोजनको लागि उत्तम भएको बताईएको छ ।

यसअघि पनि दाता यादवले बिधालयमा पुस्तकालय ,सरस्वती मन्दिर, स्वास्थ्य चौकी निर्माण गर्न लागि ५ कट्ठा जग्गा समेत दान गरेको बताए ।

दाता राजकिशोर यादवलाई मेयर यादवले गम्छा ,चादर र सम्मानपत्र सहित सम्मान समेत गरे ।

कार्यक्रममा नगर उपप्रमुख अनिता साह, प्रमुख प्रशासकीय अधिकृत बिरेन्द्रलाल कर्ण , सरस्वती युवा कलबका अध्यक्ष दिपन ठाकुर ,वडा ३ कृष्ण कुमार बसन्त ,४ का महादेव यादव, ने क पा जिल्ला कमिटी सद्स्य रौदी मुखिया, लक्षमण यादव, युवा नेता सरोज यादव,सुर्यनाथ यादव , माबि कजरा रमौल प्रधानध्यापक लक्षमण प्रसाद यादव लगायत स्थानीय भद्रभलादमिको उपस्थिति रहेको थियो ।