धनुषाधाम नगरपालिका भरि टावर लाईट लगाईदै

न्यूज ब्यूरो, जनकपुरधाम । धनुषाको धनुषाधाम नगरपालिकाले नगरभरि टावर लाईट लगाउने भएको छ ।

विद्युतीय सेवा उपलब्ध भएपनि विभिन्न सार्वजनिक स्थानमा उज्यालो हेतु समुदाय स्तरमा टावर लाईट जडान गरिने भएको छ । नगरपालिकाका प्रमुख प्रशासकीय अधिकृत गणेशराज कार्कीले एक सूचना जारी गर्दै समुदायबाटै सँरक्षण सहितको टावर लाईट जडान गर्न बताएका छन् ।

समुदायकै स्वामित्व हुने धनुषाधाम नगरपालिकाले सो टावर लाईट जडान गर्ने निर्णय गरेको हो । जडान हुने समुदायले नै त्यसको व्यवस्थापन गनुपर्ने प्रावधान पनि राखिएको छ भने लाग्ने मासिक शुल्क पनि समुदाय स्तरबाटै तिर्नुपर्ने जनाइएको छ ।

टावर लाईट जडान भएपछि धनुषाधाम नगरपालिकाभरि झिलीमिली हुने भएको छ ।