'ओम अर्डर' अनलाईनबाट सपिँग, मोबाईलबाटै समान हुने अर्डर

न्यूज ब्यूरो, जनकपुरधाम । प्रदेश नं. २ को अस्थायी राजधानी जनकपुरमा पनि अनलाईन सपिँग खुलेको छ । जनकपुर जस्तो मध्यम शहरमा अनलाईन शपिँगको सुविधाले यहाँका नागरिकले फाईदा उठाउन सक्नेछ ।

दुनियाँ डिजिटलाईज भईरहँदा सपिँगको मामिलामा समेत अनलाईनको सुविधा भएपनि घरमै बसेर उपभोक्ताले समान अर्डर गरी घरसम्म पाउन सक्नेछन् । कोरोना भाइरसको महामारीमा बजार जानुभन्दा पनि घरमै समान आईपुग्ने सुविधा खोज्ने उपभोक्ताको लागि सुरक्षा सहित समानको होम डेलिभरी गर्न सक्ने व्यवस्था सहित ओम अर्डर डटकम www.omorder.com बाट गर्न सक्ने सुविधा मिलाएको हो ।

ओम अड़र डटकमबाट समान अर्डर गरी उपभोक्ताले घरसम्म पाउने सुविधा मिलाएको कम्पनीका प्रमुख बिकाश मिश्राले बताए । शनिबार ओम अर्डर अनलाईन बजारको उदघाटन गर्दै प्रमुम मिश्रले बजारमा उपभोक्ताहरुले आफुले खोजेको समान न्युनतम मुल्यमा उपलब्ध गराउने बताए ।

अहिले ऑनलाइन सपिङ्ग जनकपुर भरिका लागी मात्र समानहरु प्रदान सुविधा मिलाएको जनाउँदै आवश्यक गृहकार्यपछि जनकपुर शहरभन्दा बाहिरसम्म समेत होम डेलिभरीको व्यवस्था मिलाउने बताईएको छ ।

ओम अर्डर डटकमबाट किराना समान, कस्टमेटिक आईटम, किचेनका समान, ईलेक्ट्रोनिक आईटम लगायतका समाग्रीहरु अर्डर गर्न सकिने जनाईएको छ । उपभोक्ताले मोबाईलको प्लेस्टोरबाट ओम अर्डर Om order नामक एप्लीकेशन डाउनलोड गरेर अर्डर गर्न सकिने जनाईएको छ ।

अर्डर गरेपछि समान डेलिभरि भएपछि मात्र उपभोक्ताले पैसा तिर्नुपर्ने सुविधा मिलाएको हो ।