सबैलामा काँग्रेसको शुभकामना साटासाट

न्यूज ब्यूरो, धनुषा । धनुषाको सबैला नगरपालिकामा काङ्ग्रेस पार्टीले वडादशैं, दिपावली तथा छठ पर्वको शुभकामना अदानप्रदान कार्यक्रम गरिएको छ ।

सो पर्वहरुको अवसरमा नेपाली काँग्रेसले शुभकामना आदान प्रदान तथा चियापान कार्यक्रम आयोजना गरी शुभकामना आदानप्रदान कार्यक्रम गरेको हो । सबैला नगरपालिका नगरप्रमुख बिजय शंकर प्रसाद साह अविर लगाई नगर भित्रका वडा सभापति लगायत नगरका कार्यकर्ताहरु क्षेत्रीय सभापति जितनारायाण यादव सबैसँग शुभकामना साटेका छन् ।

सो क्रममा मेयर साहले विपदको घडीमा महामारीसँग सबै मिलेर लडन भन्दै शुभकामना सहित आग्रह गरेका थिए । उनले महामारीमा सकभर घरबाटै चाडवाड मनाउन आग्रह गरे ।

मेयर साहकै निवास भठियनमा भएको शुभकामना आदानप्रदान कार्यक्रममा हरेक वडाका वडासभापति , कार्यकर्ता एकअर्कामा शुभकामना साटासाट गरे । कार्यक्रममा काङ्ग्रेसको बुद्धिजीवी सकृय कार्यकर्ताहरुको सहभागीता रहेको थियो ।