धनुषाधाम काण्ड : शिक्षक सहित तीन जना पक्राउ - भिडियो

न्यूज ब्युरो ||
धनुषा, २५ माघ ।
धनुषाको धनुषाधाम नगरपालिकामा स्थापित धनुष जनता उच्च माविमा निरन्तर काण्ड हुँदै आएको छ ।

आज अपरान्ह विद्यालयका शिक्षकले एक विद्यार्थीलाई मरनमसान्त गरी कुटपिट गर्दा गम्भिर घाईते भएको हो ।

महोत्तरीको जलेश्वर नगरपालिका वडा नं. ३ बस्ने राम जीवन मिश्रको छोरा बर्ष १८ का सुमन मिश्रलाई विद्यालयका शिक्षक शुशिल भुजेल सहित भुजेलले लिएर गएका भाडाका मान्छेहरु सहित मिलेर घाइते बनाएको घाईते मिश्रले न्यूज ब्युरोसँग भने ।

ब्यरोसँग भने, अनियमित पठनपाठनको विरोधमा विद्यालयमा अनिश्चितकालिन तालाबन्दी गरेका थियौँ, शिक्षक भुजेलले ताला फुटाउनको लागि आफू सहित २/३ जना ताला फुटाउने मिस्त्री समेतलाई लिएर आए, मैले विरोध गरे, शुशिल सरले गालामा थप्पड हिर्काउनुभयो, मैले तैपनि मानेन, उहाँले घिसार्दै परसम्म लग्नुभयो, फेरी पछाडीबाट फलामे डण्डा र पाईपले हान्न थाले उहाँसँग आएका मिस्त्रीहरु पनि ।

त्यसपछि के भयो आफूलाई थाहा नभएको तथा आफूलाई उपचारको क्रममा क्लीनिकमा पाए ।

घटनाको पूरा विवरण यो भिडियोमा

तीन जना पक्राउ

घटनामा विद्यार्थी गम्भिर घाईतेको भन्दै उग्र बनेको विद्यार्थीहरुले चक्काजाम सहित विद्यालयमा तोडफोड गर्न थालेपछि आरोपितहरुलाई प्रहरीले नियन्त्रणमा लिएको छ ।
विद्यार्थी मिश्रलाई शिक्षक शुशिल भुजेल, प्राविका शिक्षक राम पुकार यादव सहित ताला फुटाउन आएका राम शरण कापरलाई प्रहरीले नियन्त्रणमा लिएको हो ।

घाईते मिश्रलाई थप उपचारको लागि जनकपुर ल्याइएको जनाइएको छ ।