साईकलमा साईकल ठोक्किदा एक जनाको मृत्यू

न्यूज ब्यूरो, जनकपुरधाम । प्रदेश २ को धनुषामा दुई साईकल एक आपसमा ठोक्किदाँ एक जनाको मृत्यू भएको छ ।

धनुषाको धनुषाधाम नगरपालिका वडा नं. ४ लक्ष्मिपुर बस्ने वर्ष २२ का बिरेन्द्र सादाको मृत्यू भएको हो । धनुषाधाम नगरपालिका वडा नं. ४ सर्सा चिरैया टोलमा सोमबार भएको साईकल दुर्घटनामा परी सदाको ज्यान गएको ईलाका प्रहरी कार्यालय धनुषाधामले जनाएको छ ।

सो दुर्घटनामा परि कृष्णा यादवको टाउकोमा चोट लागि घाईते भएका छन् । उनलाई प्रादेशिक अस्पताल जनकपुरमा उपचार भएरहेको ईलाका प्रहरी कार्यालय धनुषाधामका प्रहरी निरीक्षक सुरेश ठाकुरले जानकारी दिए ।