शहिदनगरलाई समाज उत्थान केन्द्रद्धारा क्वारेन्टीन समाग्री प्रदान

न्यूज ब्यूरो, जनकपुरधाम । धनुषाको शहिदनगर नगरपालिकालाई एक समाजिक सँस्थाले क्वारेन्टीन समाग्री प्रदान गरेको छ ।

समाजिक सँस्था समाज उत्थान केन्द्रद्धारा नगर प्रमुखको कार्यकक्षमै बसेको एक बैठकबाट कोरोना सम्बन्धी समाग्रीहरु प्रदान गरिएको हो । क्वारेन्टि बस्ने व्यक्तिहरुको लागि लुगा कपडा सहित दैनिक उपभोग्य वस्तु प्रदान गरिएको हो ।

शहिदनगर नगरपालिकाका मेयर उदय कुमार बरबरिया (यादव) र उपमेयर शिला देवी कापरको अध्यक्षता तथा प्रमुख प्रशासकीय अधिकृत सत्रुधन यादवको विशेष आतिथ्यमा बसेको छोटो बैठकमा कोरोना नियन्त्रण सम्बन्धी छोटो छलफलपछि कोरोना सम्बन्धी समाग्री प्रदान गरिएको हो ।

शुक्रबार समाजिक सँस्था समाज उत्थान केन्द्रले ५० थान गम्छा, ५० थान जिबिया र ब्रस तथा दाँतमन्जन, ५० वटा काँइयो (कँगही), १०० पिस नुहाउने साबुन र ५० पिस लुगा धुने साबुन नगरपालिकालाई हस्तान्तरण गरिएको हो ।

शहिदनगर नगरपालिकाले सँचालन गरेको क्वारेन्टिनमा बस्नेहरुको लागि सो समाग्री प्रदान गरिएको हो ।