डुङ्गा चढेर मेयर मेहता बाढी प्रभाबित गाउँ घरमा

न्यूज ब्यूरो, रौतहट । रौतहटको इशनाथ नगरपालिकाको मेयर सन्तोष मेहता शनिबार डुङ्गाको सवारि गर्दै नगरका जनताको दुस्खेसो बुझ्न र सुन्न ब्यस्त छन।

अविरल बर्सापछि आएको बाढीले नगरको केही गाउँ डुबानमा परेपछी नगर प्रमुख मेहता बन्जरहा र औरैयाको स्थानीयको घर९ घर पुग्ने प्रयास गरेका हुन।

वर्षा संगै आएको बकैया र जान नदिको बाढीको पानी स्थानीय बासिन्दाहरुको घर–घर पुगेपछि तत्काल उतपन्न समस्या सामाधान गर्ने मनासायले बाढी प्रभाबित घर परिवारको सदस्यलाई भेटेर समस्या सामाधान गर्ने प्रयास गरेको मेहताले बताए ।

स्थानीय प्रसासनको साहायताले बन्जरहा र केही औरैयाका गरि ३५० घरपरिवारलाई भने सुरक्षित स्थानमा सारिएको र तत्काल परि आएको आवश्यकता पुर्ती गर्ने कार्यमा लागेको मेहताले बताएका छन् ।

सो गाउँमा २ देखि ३ फिट सम्म बाढीको पानी जमेकाले घर परिवारको सदस्यलाई नेपाल प्रहरी र सशस्त्र प्रहरीको मद्दतबाट सुरक्षित स्थानमा सारिएको मेहताले बताए ।

नगरको सडक ,पर्यट्न ,शिक्षा बिकासका लागि महत्त्वपूर्ण कदम चाल्दै लोकप्रीयता बटुल्न सफल मेहताले प्राकृति बिपदको समयमा नगर बासी प्रती देखाएको हार्दिकता अतुलनीय रहेको स्थानीय पप्पु गिरिले बताए ।

कोभिड –१९को प्रकोपबाट जनतालाइ बचाउन अग्रसरता देखाएका मेहताको यो कार्यलाई स्थानीयले खुलेर प्रसंशा गरेका छन।बाढी पीडितलाई भारत सिमा नजिक पर्ने उक्त गाउँको दक्षिणमा रहेको भारतीय बाँधको कारण बर्षेनि बर्षा र बाढीको पानीबाट गाउँ डुवानमा पर्दै आइरहदा स्थानीय प्रशासन चनाखो भएर जनधनको क्षति हुन नदिन स्थानीयलाई सुरक्षित स्थानमा सारिएको प्रमुख जिल्ला अधिकारी इन्द्रदेव यादवले जानकारी दिए ।

उनले जिल्लामा नेपाली सेना,नेपाल प्रहरी ,शस्त्र प्रहरी सहितको डिजास्टर टोलि तयारी अवस्था रहेको बताए ।