सिरहामा सडक दुर्घटनामा परी महिलाको मृत्यु

न्यूज ब्यूरो, सिरहा । सिरहामा सडक दुर्घटनामा परी एक महिलाको ज्यान गएको छ ।

पूर्वपश्चिम राजमार्ग अन्तर्गत गोलबजार नगरपालिका ७ पुरानो चोहर्वामा भएको सडक दुर्घटनामा एक महिलाको मृत्यु भएको हो ।

पूर्वबाट पश्चिमतर्फ गईरहेको स ६ प ३९९३ नम्बरको मोटरसाइकललाई पछाडीबाट अनटेस्ट पिकअप गाडीले ठक्कर दिँदा मोटरसाइकलमै सवार छिनमस्ता गाउँपालिका ४ की ५५ वर्षीय ललितादेवी साहको मृत्यु भएको हो । दुर्घटनामा गम्भिर घाईते भएकी उनलाई उपचारको लागि लहान लैजाने क्रममा बाटोमै मत्यु भएको प्रहरीले जनाएको छ ।

शव पोष्टमार्टमको लागि लहान पठाइएको छ भने गाडी प्रहरीको नियन्त्रणमा रहेको छ ।