जनकपुरमा भाषाप्रति केहीको आपत्ति, राजपा फोरमको पुतला दहन

न्यूज ब्युरो
जनकपुरधाम, २३ माघ । जनकपुरमा मात्र भाषालाई लिएर केही युवाहरु सडकमा आएका छन् ।

प्रदेश नं. २ को प्रथम प्रदेश सभा बैठकमा प्रदेश सभा सदस्यहरुले बोलेको सम्पर्क भाषा हिन्दीप्रति आपति जनाउँदै राजपा फोरमको पुतला समेत दहन गरिएको छ ।
जनकपुरमा दिउँसो जानकी चोकमा केही युवाहरुले हिन्दी भाषणकोे विरोध गर्दै पुतला दहन गरिएको हो ।

मैथिली भाषामा भाषण नगरेको भन्दै उनीहरुले विरोध जनाएका हुन ।
मातृभाषालाई उपेक्षा तथा वेवास्ता गरेको भन्दै उनीहरुले विरोध जनाउँदै चोकमा पुगेपछि प्रहरीले स्थिति नियन्त्रण गरेका थिए ।

प्रदेश सभा बैठकमा राजपा फोरम का प्रदेश सभा सदस्यहरुले भाषण गर्दा हिन्दी भाषा प्रयोग गरेका थिए ।