धनुषाको महुवा–डुमरिया सडक साँसद अरगरियाद्धारा शिलान्यास

न्यूज ब्यूरो, जनकपुरधाम । धनुषा निर्वाचन क्षेत्र नं. २ का प्रतिनीधि सभा सदस्य उमा शंकर अरगरियाले धनुषाको महुवादेखि डुमरियासम्मको सडकलाई शिलान्यास गरेका छन् ।

नेपाल भारतको सीमासँगै रहेको महुवा देखि शहिदनगर नगरपालिकाको वडा नं. ८ डुमरियाचोकसम्मको सडकलाई एक कार्यक्रमबीच शिलान्यास गरिएको हो । साँसद अरगरियाले शहिदनगर नगरपालिका वडा नं. ८ नाथपट्टि स्थित सो सडकको शिलान्यास गरेका हुन् ।

यसका साथै, नाथपटिट् टोलमै आरसीसी र सडक नालाको समेत शिलान्यास गरेका हुन् । मंगराहाको सिमा देखी नाथपट्टी दुई टोल बिसरभोरा हुँदै डुमरिया सडक सम्म कमला निर्माण सेवालाई जिम्मेवारी दिइएको हो ।

माचि झिटकैयादेखि महुवासम्म सडक बनेपछि मँगराहादेखि डुमरियासम्म पनि अझै बाटो बन्न सकेको छैनन् । माचि देखि महुवासम्म ग्राभेल गरिएको छ । साँसद अरगरियाले शिलान्यास गरेपछि सडक चाँडै बन्ने विश्वास स्थानीयहरुले गरेको छ ।