सँचारकर्मी दुरव्यहारप्रति मुख खोले प्रेसचौतारी

जनकपुरधाम, १९ माघ ।
जनकपुरका सँचारकर्मी राजकमल सिँहलाई दुरव्यहार गरेको भन्दै प्रेस चौतारी नेपालले ध्यानाकर्षण गरेको छ ।

शुक्रबार प्रेस चौतारी धनुषा शाखाले एक प्रेस विज्ञप्ती जारी गर्दै भन्सार कार्यालयका कार्यालय प्रमुख तथा सवारी चालकले पत्रकार सिँहलाई आफनो कार्यालय बोलाई गालीबेजती तथा धाकधम्की दिएको भन्दै आपति जनाएको छ ।

कार्यालय प्रमुख हेमचन्द्र शर्मा र करारमा नियुक्त सवारी चालक प्रकाश यादवले सिँहलाई आफूविरुद्ध समाचार लेखेको भन्दै धाकधम्की सहित गाली बेइजती गरेको भन्दै दोषीलाई कारवाहीको दायरामा ल्याउन माग विज्ञप्ति मार्फत गरिएको छ ।

समयमै दोषीलाई कारवाहीको दायरामा नल्याए दुरव्यहार विरुद्ध आन्दोलन गर्ने चेतावनी समेत प्रेस विज्ञप्ति मार्फत दिइएको हो ।