सिरहामा पोखरीमा डुबेर बालकको मृत्यु

न्यूज ब्यूरो, सिरहा । सिरहामा पोखरीमा डुबेर एक बालकको ज्यान गएको छ ।

नरहा गाउँपालिका–५ स्थित अधिकारी टोलको एक पोखरीमा डुबेर स्थानीय एक बालकको मृत्यु भएको हो ।

मृत्यु हुनेमा स्थानीय रामेश्वर शर्माको ३ वर्षीय छोरा राज शर्मा रहेका छन् । घर नजिकै रहेको कमुतिया पोखरीमा बालक डुुबेको देखेपछि स्थानीयसहित अभिभावकले उद्धार गरेर नरहा स्वास्थ्य चौकीमा लगेका थिए ।

तर, त्यहाँ सम्भव नभएपछि उपचारका लागि चोहर्वास्थित अनुराधा हेल्थ केयर एन्ड डाइग्नोस्टिक सेन्टरमा लगिएकोमा अस्पतालले मृत घोषणा गरेको हो । बाच्चालाई अस्पताल ल्याउँदै गर्दा बाटोमै ज्यान गइसकेको अस्पतालका चिकित्सक डा. संजय यादवले जनाए ।

बच्चाको शव पोष्टमार्टमको लागि लहान पठाउने तयारी भइरहेको प्रहरीले जनाएको छ ।