धनुषाः उपमेयर भुजेलले डुब्न लागेको सिँगो गाउँ बचाइन

न्यूज ब्यूरो, जनकपुरधाम । निरन्तर रुपमा भइरहेको बर्षाका कारण धनुषाको धनुषाधाम नगरपालिकाको गाउँहरु डुबानमा पर्न थालेपछि नगरकी उपमेयर (उपप्रमुख) आफैं स्थलगत नीरिक्षणमा निस्केकी हुन् ।

अरिबल बर्षाका कारण गाउँमा पानी पसेपछि र पानीको निकास भइनरहेको अवस्थामा उपमेयर सहितको टोलीले पानीको निकास दिएर गाउँलाई डुब्नबाट बचाएको हो ।

धनुषाको धनुषाधाम नगरपालिका वडा नं १ र ३ मुग्रंहा र सिकियाहा टोलका बासिन्दाहरु पानीको निकास नपाउँदा बाढीले विस्थापित हुने अवस्थामा पुगेको अवस्थामा उपमेयर भुजेलले समिति गठन गरेर पानीको निकास दिएकी हुन् ।

दुई गाउँका घरहरु डुबानमा परेको खवर पाएलगत्तै स्थलगत पुगेकी उपमेयर भुजेलले तत्कालै आकस्मिक रुपमा ५ सदस्य गठन गरी पानीको निकास सहमतिमा खोलाएपछि गाउँ डुब्नबाट बचेको स्थानीयहरु बताउँछन् ।

“पहिला समतल हुदा र थोर्रै घर हुदाँ पानिको निकास हुन्थियो , तर हालमा घरहरुको चाप बढेको कारण निकासमा समस्या उत्पन्न भएके छ । उपमेयर साहबले समयमै गएर विवाद भन्दा पनि सहमति गराएर गाउँ बचाउनुभयो ।” वडा नं ३ का वडाध्यक्ष राज किसोर साहले बताए ।

त्यहाँ स्थित रहेको जग्गा धनिहरु सुरेश साह, संजय श्रेष्ठ, चन्द्रिप यादवका अनुसार साबिक नालामा पैनिहरुमा घर बनाउँदा पानीको निकास नभएर समस्या उत्पन्न भएको बताए ।

उनीहरुले खेतमा पोखरी बनाएर व्यवसाय थालेको बताउँदै स्थानीय टोलका बासिन्दाहरुले पानी निकासको लागि डेलिगेशन लिएर गएपछि आफूहरुले स्थानीय जनप्रतिनीधिको मातहतमा सहमतिमा पानीको निकास गरेको बताए ।

केही सँचारमाध्यमहरुमा नगरपालिकामा तालाबन्दी गरेको सन्दर्भमा उपमेयर भुजेलले स्थानीयहरु तालाबन्दी नगरी पानी निकासको लागि ध्यानाकर्षण गराउन आएको र सोही अनुरुप सुनुवाई गरिएको बताइन् ।

यता, खेतमा पोखरी निर्माण गरेका व्यावासायीहरुको पूर्ण सहमतिमा पानीको निकास सम्बन्धित ठाउँबाट खुलाएको उपमेयर भुजेलले बताइन् । सो क्षेत्रमा प्रत्येक वर्ष डुबान पर्दै गएको छ भने पानीको निकास हुने ठाउँमा पनि त्यही स्थानबाट गरिदै आएको छ ।