धनुषाधामवासीलाई सरसफाई सम्बन्धी तालिम

न्यूज ब्यूरो, जनकपुरधाम । धनुषाको धनुषाधाम नगरपालिकाद्धारा आम सर्वसाधारणहरुलाई सरसफाई सम्बन्धी तालिम दिइएको छ ।

समाजिक सँस्था त्रिनेत्र सेवा सँजालको आयोजना तथा धनुषधाम नगरपालिकाको सहयोगमा सम्पन्न उक्त तालिममा नगरलाई सरसफाई तर्फ उन्मुख गर्न तालिम दिइएको हो ।

त्रिनेत्र सेवा सँजालका अध्यक्ष विनय कुमार यादवको अध्यक्षता एवम् धनुषाधाम नगरपालिका वडा नं. ५ का वडाध्यक्ष इन्द्र कुमार महतोको प्रमुख आतिथ्यमा सम्पन्न भएको सरसफाई तालिममा महिला, बालबालिका तथा वृद्धवृद्धालाई खयाल राख्ने गरी सरसफाई सम्बन्धी तालिम दिइएको हो ।

सरसफाईको अभावमा विभिन्न खालको रोग निम्त्याउने गरेको भन्दै आफ्नो सुरक्षा सफाईको माध्यमले गर्न सकिने बताइएको छ । सो क्रममा प्रमुख अतिथिको आसनबाट बोल्दै वडाध्यक्ष महतोले हात धुने तरिका, घर वरपर सरसफाई राख्ने तरिका, बालबालिकाको सफाई सम्बन्धी तालिम प्रदान गरिएको बताए ।

नगरवासीलाई सफाईको अभावमा दुर्गन्धित समेत बनेको तथा झाडापखाला लगायत अन्य प्रकारको रोगहरुलाई रोक्नको लागि सफाई अत्यन्त आवश्यकता मान्दै त्यसलाई व्यवहारमा उतार्नको लागि सफाई सम्बन्धी तालिम दिइएको आयोजक सँस्था त्रिनेत्र युवा सँजालका अध्यक्ष यादवले जनाए ।