यात्रुबाहक बसमा बम विस्फोट आरोपमा २ जना पक्राउ

न्यूज ब्यूरो, जनकपुरधाम । जिल्ला प्रहरी कार्यालय रौतहटले बम बिस्पोट तथा ज्यान मार्ने उधोग मुद्दामा दुई जनालाइ बुधबार पक्राउ गरेको छ।

पक्राउ पर्नेमा नेकपाका प्रदेश न दुई कमिटि सदस्य इशनाथ नगरपालिका रामपुरखापका शेख गुलाम सरवर र उनका साथी दिलिप कुमार साह रहेको जिल्ला प्रहरी कार्यालय रौतहटका प्रवक्ता डिएसपी भरत श्रेष्ठले बताएका छन।

सरोबर र उनको साथी साहलाइ दश वर्ष अघि यात्रुबाहक बसमा बम विस्फोट गराएको आरोपमा जिल्ला प्रहरी कार्यालय रौतहटको टोलिले पक्राउ गरेको हो।

२०६७ साल चैत्र ११ गते गौर बाट चन्द्रनिगाहपुर तर्फ जादै गरेको ना२ख ५७२१ नम्बरको यात्रुबाहक बसमा विष्फोट हुदा १३ जना व्यक्ति घाइते भएका थिए ।

सो विष्फोटको जिम्मा तत्कालिन भूमिगत समूह तराई जनतान्त्रीक मुक्ती मोर्चाले लिएको थियो ।

गौर–चन्द्रनिगाहपुर सडकखण्डको हजमिनियामा भएको बम विष्फोटको आरोपमा प्रहरीले घटना पश्चात फरार रहेका अभियुक्तहरुलाई पक्राउ गरि कसुर बमोजिमको सजायको लागी जिल्ला अदालत रौतहटमा लग्ने तयारी भइरहेको डिएसपी श्रेष्ठले बताएका छन।अदालत लगिएपछि अन्य तथ्य भन्न मिल्ने श्रेष्ठले बताए।