गाउँमा पक्की सडक बनेपछि स्थानीय हर्षित

न्यूज ब्यूरो, जनकपुरधाम । बर्षौदेखि हिलो नै हिलोले भरिएको गाउँमा पक्की सडक बनेपछि स्थानीयहरु हर्षित भएको छ ।

धनुषाको धनौजी गाउँपालिका वडा नं. १ लखौरी टोलमा बर्षौदेखि बर्षायाममा हिलाम्य भएको गाउँमा पक्की सडक ढलान भएपछि स्थानीयहरु हर्षित भएका हुन् ।

वर्षातको मौसममा सर्वसाधारणलाई खेतवबारी वा गाउँमा पनि हिडन कठिनाई भइरहेकोमा प्रदेश नं. २ भौतिक पूर्वाधार मन्त्रालयको सहयोगमा पक्की सडक बनाइदिएपछि उनीहरुमा उत्साह छाएको छ ।

जनता समाजवादी पार्टीका नेता जीवेन्द्र झाको विशेष पहलमा मन्त्रालयको सहयोगमा पक्की सडक निर्माण गरिएको हो । लखौरीको पुरै गाउँ अर्थात गाउँभरि गल्ली गल्लीमा सडक ढलान गरिएको हो ।

प्रदेश नं. २ को भौतिक पूर्वाधार मन्त्रालयको विशेष सहयोगमा सो सकडहरु निर्माण भएको हो ।