असहाय परिवारलाई कान्छो मेयरको पहल

जनकपुरधाम, १४ माघ ।
धनुषाको शहिदनगर नगरपालिका एवम् मुलुककै कान्छो मेयर उदय कुमार बरबरियाले असहाय परिवारलाई न्यानो बाँडेका छन् ।

मेयर बरबरिया सहित शहिद नगरपालिकाकी उपमेयर शिला देवी कापरले सँयुक्त रुपमा नगरको वडा नं. ५ पँचहर्वामा असहाय परिवारलाई कम्बल वितरण गरेका छन् ।
केही दिनदेखि पुनः बढेको अत्यधिक चिसोको कारण अति विपन्न परिवारलाई समस्या भएको भन्दै सँयुक्त रुपमा मोटो लुगाफाटो बाँडिएका हुन् ।

यसअघि समेत मेयर बरबरियाले नगर सहित अन्य नगरमा पनि जाडोलाई मध्यनजर गर्दै मोटो कपडा वितरण गरिसकेका हुन् ।