पेट्रोल टयाँकरमा 'ड्रग्स'

न्यूज ब्यूरो, वीरगँज । प्रदेश नं. २ को पर्सा जिल्लाको वीरगँजमा पेट्रोलियम पदार्थ ढुवानी गर्ने टयाँकरमा लागु औषध बरामद भएको छ ।

वीरगँज महानगरपालिका वडा नं. १६ स्थित रजतजयन्ती चोकमा ना ७ ख ९७४४ नम्बरको इन्धन बोक्ने ट्यांकर चेकजाँच गर्ने क्रममा १०० एमएलको वाइनसिरेक्स ८ थान, सोही लागूऔषधलाई माउन्टेन ड्यू र मिनिरल वाटरको बोतलमा भरेको अवस्थामा लागूऔषध बरामद भएको पर्सा प्रहरीले जनाएको छ ।

लागूऔषधसहित ट्यांकर चालक बाराको सिमरा उपमहानगरपालिका–२१ अमलेखगंज बस्ने २६ वर्षीय विशाल खड्का र सोही स्थान बस्ने १८ वर्षीय सहचालक देवकुमार बललाई नियन्त्रणमा लिएर थप अनुसन्धान भइरहेको जिल्ला प्रहरीले जनाएको छ ।