धनुषामा अनाथालयको शिलान्यास

जनकपुरधाम, १४ माघ ।
धनुषामा थप एक अनाथालयको एक कार्यक्रमबीच शिलान्यास गरिएको छ ।
धनुषाको हंसपुर नगरपालिका वडा नम्बर ९ स्थित मोरहामा अनाथ बालबालिकाहरुको लागि अनाथालयको शिलान्यास गरिएको हो ।

स्थानीय एक युवा क्लबको सक्रियतामा उक्त अनाथालयलाई मूर्तरुप दिन लागेको जनाइएको छ ।

तीनजना बालबालिकाको वासका लागि क्लवको पहलमा घर निर्माण कार्य शुरु गरिएको नवज्योती युवा क्लवका कोषाअध्यक्ष राजेश सक्सेनाले जानकारी दिए ।

बुवा दिनेश पासवानको २ बर्ष अगाडि मृत्यु भएपछि तिनैजनालाई आमाले छोडेर गएका थिए ।

आमा छोडेर गएपछि १२ बर्षिया पिंकी कुमारी पासवान, १० बर्षिय सिकिन्दर कुमार पासवान र ५ बर्षिय अमरेश पासवान अनाथ भएपछि पालनपोषण तथा मानवीय भावले हेरचाहको माध्यम स्वरुप अनाथालय निर्माणको लागि पहल थालिएको हो ।

तिनै जनाको वासका साथै खाना, लत्ता कपडा आदिको प्रबन्ध ती युवा क्लवले गर्दै आएको छ ।

अब उनीहरुको शिक्षा दिक्षाका लागि पनि आफूहरुले पहल गर्ने क्लबका अध्यक्ष जय प्रकाशले बताए ।

अनाथ बालबालिकाको घर निर्माणका लागि वैदेशिक रोजगारमा रहेका युवाहरुको समूह मधेशी हेल्प ग्रुप, मिथिला युवा मञ्च लगायतका समुहले आर्थिक सहयोग गरेको छ ।

आउँदो वैशाख १ गतेसम्म घर निर्माण कार्य सम्पन्न गरी साँचो हस्तान्तरण गर्ने लक्ष्य रहेको क्लबका उपाध्यक्ष सक्सेनाले दाबी गरे ।

घरको शिलान्यास माओवादी केन्द्रका नेता रामचन्द्र झाले गरेका छन ।

शिलान्यास कार्यक्रममा प्रदेशसभा सदस्य , रामचन्द्र मण्डल, हँसपुर नगरपालिकाका मेयर रामज्ञान मण्डल, उपमेयर रेणु झा, सहिद नगरपालिकाका मेयर उदय बरबरिया, लगायतको उपस्थिति रहेको थियो ।