बारामा सेनिटाइजेशन अभियान

न्यूज ब्यूरो, बारा । बारामा आजदेखि कोरोना भाइरसलाई मध्यनजर गर्दै सेनिटाइजेशन अभियान थालिएको छ ।

जीवन ज्योती बचत तथा श्रण सहकारी संस्था लिमिटेडले आज देखी बाराको कलैया उपमहानगरपालिका को २७ वटै वडा मा सेनिटाइजिङ्ग गर्ने अभियान सुरु गरेको छ ।

विश्वव्यापि महामारीको रुपमा फैलिएको कोरोना भाईरस बाट बच्नका लागि संस्थाको सामाजिक उत्तरदायित्व अन्तर्गत सो अभियानको थालनी गरिएको संस्थाका सदस्य सुबास जयसवालले जानकारी दिएका छन् ।

अभियान अन्तर्गत १० दिन भित्र कलैया उपमहानगरपालिकाको २७ वटै वडामा सेनिटाईज गर्ने सो संस्था का सदस्य जयसवालले जनाएका छन् ।

जीवन ज्योती बचत तथा श्रण सहकारी संस्था लिमिटेड ले कलैयाको ४ स्थानमा अटोमेटिक सेनिटाईजर बुथ समेत जडान गर्ने संस्थाका सदस्य जयसवाल जनाएका छन् ।