राहत वितरणमा सक्रिय गौरीबास–काठमाडौं समाज

मातृका सुवेदी, काठमान्डौं । गौरीबास–काठमाडौं समाजको विशेष पहल तथा सक्रियतामा काठमाडौंको कपनमा रहेको रेड–नेपाल नामक संस्थामा रहेका २५ कुष्ठरोगी परिवारलाई खाद्य सामाग्री वितरण गरिएको छ ।

गौरीबास काठमाडौं समाज संगको सहकार्यमा संसारमणि ढुङ्गेलद्वारा लकडाउनबाट प्रभावित अति विपन्न परिवार, बिरामी र कुष्ठरोगीहरूका लागि खाद्य सामाग्री वितरण गरिएको गौरीबास(काठमाडौं समाजका अध्यक्ष कृष्ण घिमिरेले जानकारी दिनुभएको छ ।

अध्यक्ष घिमिरेका अनुसार गौरीबास(काठमाडौं समाजकै पहल र सक्रियतामा काठमाडौंका विभिन्न स्थानमा रहेका दृष्टीबिहीन सहित अन्य २० परिवारलाई समेत खाद्य सामाग्री बितरण गरिएको छ ।

समाजको सहभागिता र समाजसंगको सहकार्यमा महेन्द्र बस्नेत, मन्दिरा बस्नेत र मधुकर खड्काद्वारा अति विपन्न परिवार, विरामी र दृष्टीबिहीनहरूका लागि उक्त खाद्य सामाग्री वितरण गरिएको गौरीबास(काठमाडौं समाजका अध्यक्ष कृष्ण घिमिरेले जानकारी दिनुभयो ।

समाजका सदस्य किरण शाहीले खाद्यान्नसहित औषधी उपचारको लागि नगद पनि सहयोग गरेको समाजका अध्यक्ष घिमिरेले बताउनुभयो।