पर्सामा नगरपालिकाको सभाहलमा आगलागी, दशलाख बराबरको क्षति

न्यूज ब्यूरो, पर्सा । पर्साको पोखरीया नगरपालिका कार्यालयमा आगलागी भएको छ ।

बुधबार मध्यान्न १२ बजेतिर कार्यालयको सभाहलमा आगलागी भएको हो । आलागीबाट करिब १० लाख मूल्य बराबरको क्षति भएको नगरपालिकाले जनाएको छ ।

सभाहलमा राखिएको ब्याट्री सर्ट भएर आगलागी भएको हुन सक्ने उपप्रमुख सलमा खातुनले जानकारी दिइन् । नगरपालिकाकै दमकलको सहायताले स्थानीय र सुरक्षाकर्मी मिलेर आगलागी नियन्त्रणमा लिइएको खातुनले बताइन् ।

वीरगञ्ज महानगरपालिका कार्यालयबाट दमकल गएको थियो । तर, आगो नियन्त्रणमा आइसकेकोले बीच बाटोबाटै दम्कल फर्किएको प्रहरीले जनाएको छ ।