प्रदेश २ : निको भइसकेका दुई जनामा पुनः कोरोना संक्रमण

न्यूज ब्यूरो, जनकपुरधाम । प्रदेश २ मा निको भएर फर्किएका दुई जनामा पुनः कोरोना भाइरस (कोभिड–१९) को संक्रमण देखिएको छ ।

रौतहटका एक युवक र वीरगञ्जको छपकैयास्थित मस्जिदका जमातीमा पुनः संक्रमण देखिएको हो । रौतहटका युवक र भारतीय तीन जमाती नारायणी अस्पतालबाट वैशाख १४ गते डिस्चार्ज भएका थिए ।

छपकैयास्थित मस्जिदमा बस्दै आएका जमातीमा ३० चैतमा र भारतबाट आएका रौतहटका युवकमा १ वैशाखमा संक्रमण पुष्टि भएको थियो ।