सिरहाः एकाविहानै, रुखमा झुण्डिएको अवस्थामा मृत भेटिए पुरुष

न्यूज ब्यूरो, सिरहा । एका विहानै एक पुरुष रुखमा झुण्डिएको अवस्थामा मृत फेला परेको छ ।

प्रदेश नं. २ को सिरहा जिल्लाको नरहा गाउँपालिका वडा नं. ५ बलुवा टोल बस्ने अन्दाजी वर्ष ४५ का दरी यादव आँपको रुखमा झुण्डिएको अवस्थामा फेला परेको हो ।

गाउँको पूर्वपट्टि खेतमा रहेको आँपको बोटमा विहानै झुण्डिएको अवस्थामा देखेपछि स्थानीयहरुले प्रहरीलाई खवर गरेको थियो ।

केही बेरमा पुगेको प्रहरी टोलीले त्यो क्षेत्रलाई घेराबन्दी गरी मुचुल्का उठाएको हो । स्थानीयहरुका अनुसार, यादवको घरासयी आर्थिक स्थित कमजोर रहेको छ ।

उनको श्रीमति सहित दुई छोरा छन् । अन्दाजी बर्ष १२ को र अर्का अन्दाजी बर्ष ८ का दुई छोरा रहेका छन् । यादवसँगै उनको परिवारको साहारा समेत गुमेको स्थिति सृजना भएको छ ।

यादवको शवको पोष्टमार्टमको लागि सिरहा अस्पताल लगिएको छ भने घटनाको बारेमा अनुसन्धान थालिएको जिल्ला प्रहरी कार्यालय सिरहाले जनाएको छ ।