जनकपुरः ५० औं पृथ्वी दिवसमा निबन्ध लेख्नुस, पुरस्कृत हुनुस

न्यूज ब्यूरो, जनकपुरधाम । आउँदो बुधबार अर्थात बैशाख १० गते मनाउन लागिएको ५० औं पृथ्वी दिवसको अवसरमा जनकपुरधाम वन प्राविधिक समाजले निबन्ध प्रतियोगिताको आयोजना गरेको छ ।

जनकपुरधाम वन प्राविधिक समाजले प्रत्येक वर्ष अप्रिल २२ तारिखका दिन मनाइने ५० औं पृथ्वी दिवसको अवसरमा घरमै बसी बसी निबन्ध प्रतियोगितामा सामेल भइ पुरस्कृत हुन सक्ने मौका दिएको हो ।

देश लकडाउन परेको बेला वन संरक्षणकर्ताहरुले यस्तो अवस्थामा घरमै बसेर पर्यावरण जोगाउने सल्लाह सहितको निबन्ध लेख्ने अवसर प्रदान गरिएको बताइएको छ ।

जनकपुरधाम वन प्राविधिक समाजका महासचिव सुरेश प्रसाद शर्माले हराभर पृथ्वी, वन हाम्रो मित्र हो, नदी जलाशय हाम्रो जीवन, कोरोना लकडाउनको अवस्थामा वन संरक्षण, सुकुम्बासी समस्या समाधान आयोग–वैज्ञानिक भूमि व्यवस्थान की वन विनास गर्ने गिद्दे दृष्टि ? लगायतका शिर्षक उपर निबन्ध लेख्नुपर्ने शर्त पनि अघि सारिएको हो ।

निबन्ध प्रतियोगितामा सामेल हुनको लागि विभिन्न शर्तहरुमध्ये निबन्ध लेख्नेले प्रदेश नं. २ को स्थानीय वासिन्दा हुनुपर्ने, कक्षा ११, १२ वा प्रविणता प्रमाणपत्र तहको हुनुपर्ने, प्रदेश नं. २ को कुनै जिल्लामा अध्ययनरत हुनुपर्ने, २५०० शब्दमा नबढने गरी कम्युटरमा प्रिति फन्टमा टाइप गरी वर्ड र पिडिएफ दुवै फरमेटमा आउँदो बुधबारसम्म पठाइसक्नुपर्ने शर्त राखिएको छ ।

यसका साथै, निबन्ध लेख्ने विद्यार्थीले आफ्नो भैलिड आईडी कार्ड सहित कुनै ठाउँमा विरुवा रोप्ने गरेको प्रष्ट फोटोको डिजिटल कापी समेत पठाउनुपर्ने छ । आइडी कार्डमा जन्ममिति खुल्ने गरी भैलिड कार्डको प्रतिलिपी पठाउन शर्त गरिएको छ ।

विद्यार्थीले हराभर पृथ्वी, वन हाम्रो मित्र हो, नदी जलाशय हाम्रो जीवन, कोरोना लकडाउनको अवस्थामा वन संरक्षण, सुकुम्बासी समस्या समाधान आयोग–वैज्ञानिक भूमि व्यवस्थान की वन विनास गर्ने गिद्दे दृष्टि ? मध्ये कुनै एक शिर्षक उपर निबन्ध लेख्नुपर्ने हुन्छ ।

निबन्धपछि जनकपुरधाम वन प्राविधिक समाजले मुल्याँकनको आधारमा नतिजा प्रकाशन गर्ने जनाइएको छ । त्यसको लागि निम्न सम्पर्क र ठेगानामा सम्पर्क गर्न सकिने बताइएको छ ।

Suresh Prasad Sharma : 9854021323, Email : sureshpdsharma@outlook.com

Bechan Kumar Mahato : 9854030948, Email : bechan.mahato@ymail.com